РАСКАЖЕТЕ ЈА ВАШАТА ПРИКАЗНА НИЗ ФОТОГРАФИИ

Вебстриан ви нуди можност да направите најразлични фотопрезентации на вашиот веб-сајт, од едноставни позадини и галерии, до професионално слајд-шоу од фотографии.

Галерија

Додадете слики во вашата галерија и тие ќе бидат ставени во едноставен и чист дизајн каде што секоја слика автоматски ќе биде оптимизирана за екранот на секој ваш посетител. Вие одлучувате за распоредот на сликите, кој може да го менувате со само еден клик. Освен тоа, на сите слики може да им додадете текст и наслови.

Фотослајдер

За почетна страница што воодушевува, направивме за вас модерен фото-слајдер. Искористете го за да додадете фотографии со кратки текстови врз нив, кои имаат модерни ефекти на транзиција.

Вие сами ги контролирате брзината и начинот на транзициите, повторувањето на елементите (слика и текст), паузирањето и уште многу други функционалности.

Фоторотатор (карусел)

Заменете ги графичките симболи (икони) со вистински фотографии и линкувајте ги до други страници на вашиот веб-сајт. Со нашиот фоторотатор, поставен на вашата почетна страница, добивате моќна алатка што накратко објаснува сѐ за вашиот бизнис. Направен е така што вие имате можност целосно да ги контролирате текстовите, линковите, брзината на транзициите, ефектите и другите функционалности.