Додадете наслови на текстовите на вашиот веб-сајт и персонализирајте ги според вашите потреби. Овој елемент ви овозможува да ја одберете големината на насловниот текст (помал и поголем наслов), како и неговото порамнување на веб-сајтот (лево, централно или десно).
Вашиот веб-сајт ќе го добиете со предефинирани страници каде што според дизајнот е одлучено каде ќе стои насловот и колку ќе биде голем. Доколку вие имате поинаква замисла, со Вебстриан може да го смените не само текстот во насловот, туку и неговата големина и неговото порамнување. Можеби ќе сакате наместо со наслов, одредени содржини да ги започнете со фотографија или видео? Вебстриан ви ја нуди можноста да ги избришете насловите и да додадете свои, онакви какви што вие сакате, онаму каде што вие сакате... или, пак, воопшто да не додавате наслови на одредени содржини.
Не заборавајте да ги прегледате промените пред да ги објавите, со едноставно кликнување на линкот „Види страница“, кој се наоѓа најгоре во вашиот административен панел. Тоа ќе ви овозможи да проверите како ќе изгледа вашиот веб-сајт кога до него ќе пристапат вашите посетители.
Додадете своја содржина на вашиот веб-сајт со едноставно кликнување на елементот „Текст“ во административниот панел.
Овој елемент е едноставен за користење затоа што нуди слични функции на оние од вашите ворд-документи. Веруваме дека со Вебстриан сосема природно и интуитивно ќе започнете да ја уредувате содржината на вашиот веб-сајт. Сами ќе може да ја одберете големината на фонтот, порамнувањето на текстот (централно, лево или десно), бојата, форматот (болд или италик) и уште многу, многу друго.
Запознајте се со сите можности што ви ги нуди Вебстриан, препуштете ѝ се на креативноста и создадете содржина што ќе ги задржи посетителите на вашиот веб-сајт.
Овој елемент ви нуди можност да ги истакнете најважните делови од вашиот текст. Тоа може, но и не мора да бидат класични цитати. Текстот што сакате да го направите повидлив за вашите посетители сега само внесете го на вашиот веб-сајт преку елементот „Цитат“ и тој ќе биде поставен во стилизирана лента во боја, за да се разликува од другиот текст и за да привлекува повеќе внимание.
Доколку сакате со вашите посетители да ги споделите искуствата на вашите претходни клиенти, ви препорачуваме да го искористите елементот „Сведоштва“.
Кога ќе го уредувате вашиот веб-сајт со Вебстриан, ја имате можноста на него да закачите различни документи, кои вашите посетители ќе може да ги преземат со само еден клик.
Само поставете ги содржините што сакате да ги споделите преку линкот „Додади елемент“ > „Преземи документ“ и вашите посетители веднаш ќе може да ги преземат (симнат) вашите фотографии, текстуални и ПДФ-документи, вашата музика итн.