ОСНОВИ

Откако ќе ја изработиме вашата веб-страна за вас, ви даваме административен пристап (корисничко име и лозинка за најава на вашиот веб-сајт) за да може самостојно да ги менувате поставените содржини или да додавате нови.

На страниците од вашиот веб-сајт може да ги додавате сите елементи кои се наоѓаат во панелот „Додади елемент“. Во овој панел ќе пронајдете елементи за текст, слики, видео, аудио, галерии, анимирани и едноставни икони, мапи, формулари, јазици, сепаратори, блог постови, вести итн. За да го додадете кој било елемент на вашата веб-страница, треба да го направите следново:

1. Влезете во вашиот административен панел.

2. Преку левото административно мени, во ставката “Сите страници” отворете ја веб-страницата која сакате да ја уредувате.

3. Во централниот прозорец кликнете на кој било линк „Додади елемент“. Овие линкови се распоредени насекаде низ вашите веб-страници кои ги уредувате.

4. Ќе се отвори панелот „Додади елемент“ со преглед на сите елементи што може да ги додадете. Кликнете на оној елемент што сакате да го додадете, пополнете ги празните полиња што ќе ви се појават за одбраниот елемент и потврдете ги податоците со притискање на копчето „ОК“. По ова елементот веднаш ќе биде поставен на вашата веб-страница.